Старата римска тврдина недалеку од мојот двор го облече белото гунче на своите плеќи!
И кога ќе погледнам наназад, кон сите можности што сум имал за да заминам по белиот свет, би рекол дека ова е местото каде најмногу припаѓам.
Домот на моите претци, последниот одбрамбен бедем на народот од ова исконско место под сонцето.
Ова место е благословено од Бога со преубави раскошни пејсажи во секое време од годината, но она што најмногу го краси селото Град се луѓето.
Тоа се чесни и горди луѓе, луѓе научени на секакви премрежја низ историјата но никогаш, никогаш не го изгубиле својот жар и добрина.
Недалеку под оваа сцена во стара трошна куќа се одржал Првиот состанок за формирање на Околиски народно-ослободителен одбор кој што бил де-факто народна власт на слободните територии во Пијанец во септември 1944 година. На состанокот одржан во село Град на кој присуствувале делегати од сите ослободени територии во Пијанец за претседател на НОО бил избран Јордан Белогаски а Васил Ѓоргов бил поставен за Секретар.
Извор: Фејсбук