ОО Црвен Крст Делчево со огромна логистика се вклучи во борбата против големиот пожар кај село Бигла
Волонтери и активнисти од Општинската организација на Црвен Крст од Делчево денеска на терен се вклучија со поголема логистичка акција за поддршка на пожарникарите и граѓаните кои што го гасеа пожарот кај селото Бигла кој што избувна претпладне а доцна попладнево е локализиран благодарение на брзата и координирана акција на сите релевантни фактори во општината.
Активистите на ОО Црвен Крст од Делчево беа на терен за обезбедување на прва помош доколку имаше потреба, со делење на вода, санитетски материјали и храна за пожарникарите и останатите граѓани кои беа присутни на терен.
“ООЦК Делчево во логистичка поддршка при гаснењето на пожарот кај с. Бигла
Во рамки на справувањето со пожарот кај село Бигла, ООЦК Делчево се вклучи со дистрибуција на вода, храна и заштитни маски за населението и доброволците кои се вклучија во гаснењето на пожарот.
Благодарност до сите кои несебично помогнаа и придонесоа во справувањето со огнената стихија.”
-информираа накратко во јавност од ОО Црвен Крст Делчево
За авторот на оваа објава
