Избувна голем пожар во атарот на село Бигла, делчевско, мобилизирани сите расположиви сили да се заштитат куќите и боровата шума

Имате потреба од нов веб сајт?

Општина Делчево ја информира јавноста дека беснее голем шумски пожар во атарот на с. Бигла кај Белчанско Маало во непосредна близина на спомен-собата на ороводецот на „Копачката“, дедо Митко. Пожарот е пријавен по 11ч, а гори борова шума и нискостеблести растенија, а како што информираат екипите од теренот, поради високите температури и сувата трева опасноста од проширување на пожарот е голема и во опасност е и самото село Бигла.

Во моментов на терен се екипи од Шумското стопанство, ТППЕ Делчево, екипи од МВР-Гранична полиција, а во гаснење на пожарот се вклучени и претставници од МЗ на с. Бигла. Поради сериозноста на ситуацијата на теренот и по наредба на градоначалникот Иван Гоцевски, активирани се и Просторните сили на Општина Делчево и побарана е помош од екипи од соседните општини и доброволните противпожарни друштва, како и од Дирекцијата за заштита и спасување.

Се апелира до граѓаните и месното население да се вклучат во акцијата за спас на шумата кај с. Бигла .

Извор: Општина Делчево

За авторот на оваа објава

Твојата нова дестинација: Дестинација Делчево

admin­is­tra­tor

Овој маркетинг банер може да биде ваш прозорец кон светот

Интернет платформа која врши јавна дејност за информирање на јавноста, маркетинг услуги за физички и правни лица, промоција и афирмација на општина Делчево во Македонија и странство.

See author’s posts