Дечиња од ОЈУДГ “Весели Цветови” го посетија кабинетот на градоначалникот Иван Гоцевски
Денес мојот кабинет беше исполнет со детска смеа, песнички и искрена радост. На гости ми беа нашите најмили дечиња од градинката „Весели цветови“, заедно со нивните вредни воспитувачки. 
Разговаравме, се дружевме, а нивните песнички и насмеани лица ми го разубавија денот. Ваквите средби потсетуваат колку е важно да ги слушаме најмалите, да им посветуваме внимание и да го погледнеме светот низ нивните очи.
За нив продолжуваме да работиме на подобри услови во градинката, на уредување на просторот и создавање пријатна атмосфера за игра, учење и растење. Секое дете заслужува место во кое ќе се чувствува безбедно, прифатено и сакано.
Благодарност до воспитувачките и до сите вработени кои со многу трпение, грижа и љубов секојдневно го збогатуваат детството на нашите најмали.
Драги дечиња, ви благодарам за радоста што ја донесовте! Вратите на мојот кабинет се секогаш отворени за вас
За авторот на оваа објава
