Во Делчево утре најмладите со Бадникова поворка по улиците во Делчево ќе го најават раѓањето на Нашиот Бог Исус Христос
Утре жителите на Делчево ќе може да посведочат на преубав христијански настан со кој најмладите жители на Делчево ќе го најават раѓањето на Нашиот Бог Исус Христос.
Од Градската црква “Пресвета Богородица” во Делчево ќе трге Бадниковата поворка со која дечињата преку песна и многу-многу детска љубов пред сите граѓани на Делчево ќе го најават еден од најголемите православни христијански празници Божиќ.
Бадниковата поворка ќе започне од дворот на градската црква во 11.30 часот а на најмладите некаде околу 12.00 часот ќе им се придружи и Епископот делчевско-каменички Марко кој пред тоа ќе служи литургија во храмот Св. Богородица во Македонска Каменица
Годинава, Бадниковите поворки ќе се одржат во рекордни 80 градови и населени места низ Македонија, како и во македонската дијаспора во Словенија, Италија, Австрија, Франција и Соединетите Американски Држави, обединувајќи илјадници деца, семејства и заедници во духот на радоста, светлината и заедништвото на празникот.
Централната Бадникова поворка се одржува во Скопје.
Делчево веќе повеќе години со благослов на свештените лица на епископијата е дел од овој преубав христијански настан исполнет со многу заедништво и топлина која ги грее срцата на сите присутни.
За авторот на оваа објава
