Најава за спектакуларен концерт на Ансмбл “Македонија” во Спомен домот АСНОМ во Делчево
Уште еден спектакуларен настан во низа на Националната установа центар за култура “Никола Јонков Вапцаров” од Делчево ќе биде причина за подолгорочен сценски впечаток кај делчевската публика.
Целовечерниот концерт на Ансамблот “Македонија” во концертната сала во Спомен домот АСНОМ во Делчево со сигурност претставува настан за кој долго ќе се раскажува помеѓу љубителите на Македонскиот фолклор, традиција, песни и ора во Делчево. Овој спектакуларен музичко-сценски настан во среда вечер доаѓа по серијата на успешни настани кои што во низа ги реализира НУЦК “Никола Јонков Вапцаров” Делчево во изминатите неколку месеци, на огромно задоволство на големиот број на посетители на овие настани кој што тренд ќе продолжи и во наредниот период според најавите на менаџментот на оваа културна установа.
Настанот е закажан да започне во 19.00 часот а влезот за истиот е слободен
“АНСАМБЛ МАКЕДОНИЈА ВО ДЕЛЧЕВО! 
Со огромно задоволство Ве покануваме на целовечерен концерт на Универзитетскиот Ансамбл „Македонија“, под слоганот:
АНСАМБЛ МАКЕДОНИЈА СО ВАС!
Ве очекува вечер исполнета со песна, игра и ритам — вистински празник на македонската традиција и култура! 
Место: Сала Спомен Дом АСНОМ Делчево
Датум: 29.10.2025
Време: 19:00 часот
Влез: Слободен!”
-напишаа од НУЦК “Никола Јонков Вапцаров” Делчево
За авторот на оваа објава
