Иселениците од с. Град, делчевско на 5 август сред село на ќе се сретнат да се извидат и да се повеселат на традиционалната Иселеничка вечер 2026
Со многу чуство за заедништво, со многу емоција и со желби и надеж за вечно сеќавање и почит кон родното место и оваа 2026 година иселениците од село Град ќе се сретнат на овогодинешната “Иселеничка вечер 2026”.
Настанот за кој многумина во дијаспората од село Град работат и го очекуваат цела година ќе се случи на спортското игралиште во дворот на подрачното училиште “Св. Климент Охридски” во село Град на 5 август со почеток во 19.00 часот.
За убавата и незаборавна весела атмосфера веќе се ангажирани “АСТРА БЕНД” со прекрасната Сања Цинцева а иселениците заедно со месната заедница на село Град најавуваат и редица други изненадувања за сите присутни.
Традиционално на настанот ќе се служи скара и традиционални специјалитети, така што секој гостин ќе може да го почуствува духот со кој што живее селото Град како во самото село, така и насекаде каде што ги има “граждање”.
Овогодинешната Иселеничка вечер во село Град е јубилејна 15 по ред што ја организираат иселениците, а на настанот се очекува присуство и на значајни општествени дејци во државни и светски рамки кои што потекнуваат од селото Град или на било кој начин се поврзани со селото.
Оваа година настанот се реализира со логистичка и материјална симболична поддршка од Градоначалникот на општина Делчево Иван Гоцевски кој како и досега не испушта можност да биде дел од овој преубав настан и традиција.
За авторот на оваа објава
