Куќичката на надежта во Делчево се полни со донации. Откако беше промовирана од страна на Градоначалникот на општина Делчево, оваа куќичка поставена претпразнично на плоштадот во Делчево пополека се претвора во штаб за донации за оние на кои им е потребна било каква поддршка за посреќни и похармонични новогодишни и божиќни празници.
“Граѓанската хуманитарна иницијатива “Дај не фрлај-подари Делчево денес одржа продуктивен состанок со градоначалникот на Општина Делчево, г‑дин Иван Гоцевски, на кој разговаравме за отпочнување на соработка и заеднички хуманитарни активности во интерес на нашите сограѓани.
Нашата иницијатива денес започна со донации во „Куќичката на надежта“, а во наредниот период уште поинтензивно ќе продолжиме со оставање хуманитарни пакети за најпотребните – во пресрет на новогодишните и божиќните празници. 
Воедно, упатуваме молба до сите граѓани на Делчево:
Да бидеме хумани и да донираме според можностите. 
Да ја респектираме приватноста на луѓето кои се во потреба.
Да бидеме чесни и културни во користењето на куќичката.
Да ја зачуваме и одржуваме „Куќичката на надежта“, за да им служи на сите на кои им е потребна.
Заедно можеме повеќе.”
-стои во интегралниот текст на Фејсбук статус објавен на социјалните мрежи од страна на активистите на иницијативата