Жителите на село Ѕвегор добија нова современа сообраќајница за подобар животен стандард
Изминатите недели градежна екипа на фирмата изведувач интензивно работеше на изградбата на новата улица во село Ѕвегор која што е инвестиција на Владата на Република Македонија а проектот е подготвен од страна на општина Делчево.
Градоначалникот на општина Делчево Иван Гоцевски преку социјалните мрежи денеска објави дека успешно е завршена последната фаза за асфалтирањето на оваа значајна сообраќајница која се протега во центарот на селото и секојдневно ја користат голем број на граѓани.
“Целосно е завршена изградбата на новата улица во село Ѕвегор!
Со должина од околу 90 метри и вредност од 671 илјади денари, оваа улица значи подобри и побезбедни услови за жителите на овој дел од селото.
Средствата се обезбедени од Владата, а изведувач на работите е СД „Транс“ – Ѕвегор.
Со овој проект одговараме на долгогодишните барања на жителите и покажуваме дека нивниот глас има слух и дека нивните барања се претвораат во конкретни дела.
Продолжуваме да работиме посветено, со проекти кои значат подобар живот за граѓаните.
Подеднакво се залагаме како за урбаните така и за руралните населени места!”
-напиша на социјалните мрежи Иван Гоцевски- Градоначалник на Делчево во врска со реализацијата на овој проект.
За авторот на оваа објава
