Подобрување на условите за дневен престој и активности на дечињата во ОЈУДГ “Весели Цветови” Делчево
Градоначалникот на општина Делчево Иван Гоцевски денеска беше на посета во детската градинка во Делчево каде што се запозна со тековните работи за подобрување на условите за дневен престој и активности на дечињата и вработените во оваа јавн детска установа.
“При посетата на детската градинка имавме можност да ги разгледаме реализираните промени и подобрувања кои придонесуваат за поквалитетни услови за престој, игра и развој на нашите деца.
Упатуваме искрени пофалби и благодарност до директорката и сите вработени за посветеното работење, вложениот труд и секојдневната грижа за најмладите. Секоја позитивна промена е значајна и заслужува признание и поддршка.
Посебна јавна благодарност до сите општествено одговорни правни и физички лица кои со својата помош и донации придонесуваат за подобри услови во градинката. Вашата поддршка е вреден пример за грижа кон децата и заедницата.
Заедно создаваме поубаво и посреќно детство за нашите најмлади!”
-напиша на социјалните мрежи градоначалникот на општина Делчево Иван Гоцевски.
За авторот на оваа објава
