Месната заедница во село Град денеска спроведе акција за уредување на јавните површини во селото
Повеќемина жители на селото Град во организација на Месната заедница спроведоа акција за уредување на јавните површини во центарот на селото.
Со самоорганизирање и со поддршка на иселеници од селото беа обезбедени повеќе садници на украсни дрвца- туја кои што беа засадени по должина на главната улица во селото покрај водотекот на една од селските реки во селото.
Исто така со сопствени моторни тримери и косилки кои што претходно беа набавени од самите жители и месната заедница со поддршка на иселениците од селото, се косеа јавните површини од израснатата вегетација на повеќе делници.
Месната заедница на село Град е една од подобро организираните месни заедници кои што работат во изминатиот период, зад чија што работа веќе постојат повеќе реализирани проекти и акции на кои што може да им позавидат останатите месни и урбани заедници во општина Делчево.
Пред околу 10-тина денови заврши реконструкцијата на оградниот ѕид на селската црква Св. Георги со ѕидан камен, како и повеќе зафати на капелната црква Св. Архангел Михаил во селото исто така во организација на Месната заедница и иселениците од село Град кои што живеат и работат во странство.
За авторот на оваа објава
