Иван Гоцевски: 11 Октомври нè обврзува да ги чуваме вредностите на единството, солидарноста и меѓусебното почитување.
По повод денешниот државен празник 11 Октомври со кој се одбележуваат 85 години од кревањето на народното востание на Македонскиот народ во Втората Светска војна градоначалникот на општтина Делчево упати честитка од свое лично име до сите граѓани на Делчево и сите Македонци насекаде во светот.
“Почитувани сограѓани,
Дозволете ми, по повод 11 Октомври – Денот на народното востание, да ви го честитам овој значаен државен празник.
Денес со гордост им оддаваме почит на сите борци и херои кои со својата храброст, пожртвуваност и љубов кон татковината ги поставија темелите на слободата и државноста. Нивната борба и жртва нè обврзуваат да ги чуваме вредностите на единството, солидарноста и меѓусебното почитување.
Нека 11 Октомври биде потсетник дека само со заедничка работа, одговорност и посветеност можеме да изградиме подобра иднина за нашето Делчево и за нашата Македонија.
Во мое лично име и во име на Општина Делчево, ви го честитам Денот на народното востание – 11 Октомври.
Нека ни е честит празникот!”
-напиша на социјалните мрежи Градоначалникот на општина Делчево Иван Гоцевски.
За авторот на оваа објава
