Со емотивна литературнo-музичка разгледница НУЦК “НЈ Вапцаров” Делчево го одбележа денот на Македонскиот јазик

Во организација на Националната установа Центар за култура “Никола Јонков Вапцаров” Делчево во мултимедијалниот центар на Спомен домот АСНОM во Делчево се реализираше настан за одбележување на 5 Мај денот на Македонскиот јазик.

“По повод 5 Мај – Денот на македонскиот јазик, во НУЦК „Никола Јонков Вапцаров“ – Делчево се одржа настанот насловен „Гласот на буквите“, исполнет со емоции, поезија и љубов кон пишаниот збор.

На сцената блеснаа учениците од СОУ „Методи Митевски – Брицо“ и ООУ „Св. Климент Охридски“, кои преку своите интерпретации ја оживеаја убавината и богатството на македонскиот јазик. Со силна изразност и искреност, тие ја пренесоа пораката дека јазикот е наш идентитет, наша традиција и наша гордост.

Настанот беше вистински доказ дека љубовта кон македонскиот јазик живее и се негува кај младите генерации.

Да го чуваме, негуваме и славиме македонскиот јазик — денес и секој ден!”

-информираа од НУЦК “Никола Јонков Вапцаров” Делчево

За авторот на оваа објава

Кирчо Анастасов

admin­is­tra­tor

Над 15 години искуство со создавање на содржина на интернет платформи: ‑blogspot, ‑face­book, ‑twit­ter, ‑youtube, ‑insta­gram,
Експерт за ПР активизам, фотограф, блогер, видео продуцент, CMS web дизајнер, WHM & CPan­el хостинг, Систем администратор, оператор со MySQL дата бази.
Градежен инжинер, Менаџмент на проекти, граѓански активист, фармер, планинар, љубител на природата.

See author’s posts