Иван Гоцевски: “Медениот месец” на пироманите кои ги палат шумите во Делчево официјално е завршен!
Согласно програмските определби на Градоначалникот на општина Делчево Иван Гоцевски а во насока за подобрување на јавната безбедност и заштитата на животната средина преку зачувување и унапредување на шумскиот фонд на територијата на општина Делчево, општинските надлежни служби воведуваат нови практики за превенција и борба против опожарувањето на шумите и пасиштата на територијата на општината.
Општина Делчево, преку ТППЕ Делчево и согласно со насоките на Општинскиот штаб за заштита и спасување, започнува со спроведување редовни дронски контроли на терен, со цел навремена превенција и откривање потенцијални шумски пожари.
Со користење на новата современа технологија, значително се унапредува мониторингот на ризичните подрачја и се овозможува побрза и поефикасна реакција на надлежните служби.
Овие активности ќе продолжат и во наредниот период, во координација и соработка со други релевантни институции, со заедничка цел – заштита на шумите, животната средина и безбедноста на граѓаните.
Апелираме до сите граѓани на одговорно однесување и почитување на мерките за заштита од пожари.
-информираат од оОпштина Делчево за оваа нова пракса која се очекува да овозможи поефикасна борба против пожарите во Делчево.
About The Author
