Зелениот фонд во Делчево се збогатува со нови високостеблести декоративни дрвца
Општествено одговорна компанија донираше поголем број на садници од украсни високостеблести растенија (Туја) за засадување на зелени површини во градот Делчево.
Приемот на донираните растенија беше извршен во кругот на ЈКП “Брегалница” Делчево од каде што ќе се трансферираат до потребните локации каде ќе бидат засадени.
Ваквата активност преку социјалните мрежи ја објави градоначалникот Иван Гоцевски:
Денес пристигна вредна донација од општествено одговорни компании – садници кои ќе бидат засадени низ градот со цел разубавување на јавните површини и создавање поубава и поздрава животна средина за сите граѓани.
Упатувам искрена благодарност до пријателите на Општина Делчево и до сите делчевчани кои секогаш се тука, со конкретни дела да придонесат за развојот, уредувањето и модернизацијата на нашиот град. Заедно градиме поубаво Делчево.”
-напиша Иван Гоцевски- Градоначалник на Делчево.
Инаку еден од клучните проекти за реализација на Градоначалникот Гоцевски во неговата предизборна програма со која ја доби довербата на граѓаните на Делчево со огромна поддршка е реализацијата на проектот за развој на “Зелен катастар” и подигање на институционалното ниво во заштитата на животната средина на територија на општина Делчево.
За авторот на оваа објава
