Нов асфалт на критична делница на патот Делчево-Пехчево за побезбеден сообраќај на граѓаните
Денеска на увид на градежите работи кои што се реализураат на делница од регионалниот пат Делчево-Пехчево кај селото Стамер беа директорот на подружницата на ЈП “Македонија Пат” Пачемски и градоначалникот на општина Длечево Иван Гоцевски.
Во изјава за медиумите директорот Пачемски истакна дека станува збор повеќе градежни операции кои се реализираат на критична делница во должина од 1300 метри во целосен износ од околу 15 милиони денари на излезот од Делчево кон Пехчево. Овие активности се реализираа во рамки на програмата на ЈПДП за инвестиционо одржување на регионални патишта за 2026 година а во предвидените градежни активности станува збор за гребење на постоен оштетен асфалт, прилагодување на подлогата и асфалтирање со асфалтен слој БНХС во дебелина од 5 cm.
Директорот Пачемски нагласи дека согласдно можностите реххабилитацијата на овој патен правец ќе продолжи и во наредниот период на дополнителни делници, поради постоењето на видни оштетувања.
Градежните работи според директорот Пачемски се очекува да завршат за два дена до четврток по што ќе следува фаза за имплементација на сообраќајна сигнализација на самиот пат.
Градоначалникот на општина Делчево Иван Гоцевски на лице место упати благодарност на Јавното претпријатие “Државни патишта” и директорот Коце Трајановски како и на екипите на ЈП “Македонија пат” за посветената работа.
Јас како градоначалник можам да се заблагодарам јавно на Македонската влада на нашиот Премиер секако на ЈПДП и Коце Трајановски- Директорот на ЈПДП, што како и минатата година и оваа година продолжуваат да инвестираат во инфраструктура за подобрување на безбедноста на сообраќајот на општина Делчево. Како што знаете минатата година беа инвестирани 48 милиони денари токму во патна инфраструктура на територија на општина Делчево со што се изгради патот кон село Габрово и првиот дел од оваа делница која што денес продолжува да се реконструира. Сега се инвестираат 15 милиони денари средства кои се наменети за подобрување на патната инфраструктура не само за делчевци туку за сите наши сограѓани кои патуваат во овој дел од државата и секако за подобрување на безбедноста на овој критичен дел.
-рече во својата изјава за медиумите градоначалникот на општина Делчево Иван Гоцевски.
Во Делчево во овој период се реализираат повеќе инфраструктурни проекти како што се Регулација на реката Брегалница низводно во централното градско подрачје, реконструкција на ул. Индустриска како и неколку други помали улици.
За авторот на оваа објава
