Оперативен тим на фирмата изведувач е на терен и ги реализира градежните работи за изградба на дел од подземната инсталација и коловозот на улицата “Драмечка” во Делчево.
Градоначалникот Иван Гоцевски во придружба со надлежните служби од општина Делчево беа на лице место за да ја увидат динамиката за реализација на предвидените активности, кои што се очекува да завршат во предвидениот рок според целокупната документација.
“Извршив увид на лице место на дел од улица „Драмечка“, крак од улицата „Драмечка“, каде што се реализира проектот за изградба на дел од улицата и дел од атмосферската канализација, со цел директно да се информирам за текот и квалитетот на досегашните активности.
Проектот опфаќа изградба на улица со вкупна должина од 155 метри, со што ќе се подобрат условите за сообраќај, безбедно движење и ефикасно одведување на атмосферските води во овој дел од градот.
Финансиските средства за реализација на проектот се обезбедени во висина од 2.862.015,00 денари од Министерството за транспорт на Република Македонија.
Изведувач на работите е компанијата ОСД КИРИЛ од Штип, а реализацијата на проектот е планирана да се одвива и во текот на 2026 година.
Продолжуваме со директен надзор и теренска работа, со цел секој проект да биде реализиран квалитетно, навремено и во интерес на граѓаните на Делчево.”
-напиша на социјалните мрежи Иван Гоцевски- Градоначалник на Делчево.