Сума:

На денешната прес конференција на Потпретседателот на ВМРО-ДПМНЕ, Миткко Јанчев беше објавено дека пратениците од пратеничкиот состав на ВМРО-ДПМНЕ ќе се врати во Парламентот да се спротивстават на насилното донесување на противуставниот закон за употреба на јазиците во Република Македонија.

loading...

Како што претходно информиравме Претседателот на државата Ѓорѓе Иванов не го потпиша указот за прогласување на овој закон при што со повеќе факти и уставни рамки образложи која е аргументацијата за ваквиот потег. Со тоа спорниот закон се враќа во собраниска процедура за повторно негово гласање. Од СДСМ се изјаснија дека законот ќе биде донесен таков каков што беше претходно предложен и покрај реакциите на јавноста како и забелешките на стручната јавност и Претседателот Иванов.

Во продолжение текстот од обраќањето на Потпрецедателот на ВМРО-ДПМНЕ, Митко Јанчев:

-"Почитувани,

Инаетењето на предлагачите на сила да го истуркаат неуставниот закон за двојазичност не е на штета само на ВМРО-ДПМНЕ, туку на Република Македонија. Одлуката на Владата да не го повлече законот и да не отвори конструктивна расправа околу законот може да предизвика долгорочни последици по државата и да ја наруши кохезивноста меѓу граѓаните.

ВМРО-ДПМНЕ е на страна на граѓаните и Република Македонија и затоа ќе стори се во одбрана на државните и национални интереси.

Затоа ВМРО-ДПМНЕ и пратеничката група ќе сторат се што е во наша моќ за да се спречи ваквата деструктивна политика. Пратеничката група ќе се врати во собраниските клупи и со амандмани ќе се обиде да го превенира донесувањето на неуставниот закон.

Преку нашето присуство во парламентот ќе се обидеме уште еднаш да ги убедиме пратениците од парламентарното мнозинство во ризикот од последиците на носење на овој закон, кој не само што излегува надвор од рамките на Уставот и охридскиот договор, туку ги става во подредена позиција на Турците, Ромите, Србите, Бошњаците и припадниците на сите останати етнички заедници во Република Македонија.

Законот има бројни пропусти и затоа е несфатливо неконструктивното однесување на СДСМ и одбивањето на предлозите да се формираат работни групи составени од претставници на сите парламентарни групи во Собранието на Република Македонија, со вклучување на експертска и стручна јавност од Правните факултети во државата, претставник од кабинетот на Претседателот на Републиката и од МАНУ. Сигурни сме дека ваквата дебата ќе придонесеше за подигнување на довербата и демократската атмосфера кои ќе резултираа со отстранување на неуставните елементи на овој закон за јазици.

loading...

Почитувани,

Сосема непотребно двојазичноста се спроведува на целата територија на Република Македонија. Тоа единствено носи товар за буџетот, а не во корист за граѓаните. Со овој закон целосно се деградира употребата на македонскиот јазик.

Токму од тие причини ВМРО-ДПМНЕ одлучи да учествува во Собраниската расправа и да предложи суштински амандмани за подобрување на законот и отстранување на штетните и неуставни делови.

Сметаме дека власта не смее на сила да го изведе повторното гласање и мора да го слушне гласот на јавноста. Власта ја занемари и експертската фела која е во се погласна и ги нотира неуставните точки на законот.

Граѓаните имаат потреба од реални мерки и проекти, кои ќе го унапредат живот и ќе влијаат на економски и технолошкиот развој. Но во никој случај не ни требаат закони кои носат подвојување. Бидејќи од тоа корист нема никој во Република Македонија."

loading...

Најчитано: Флеш- Политика

loading...
loading...

Наши пријатели

Наша анкета

Какви се Вашите очекувања од 2018 година?

 


 

Go to top

Потребен е LIKE на нашата фејсбук страна