Сума:

Повеќето книги се напишани за да споделат некоја информација, да ви помогнат да разберете нешто, или пак да ве забавуваат и да инспирираат емоции и чудење. Но, некои пишани дела, ако се вистинити, укажуваат на многу интересни мистерии. Овие мистерии може да се поврзат со метафизичкото потекло на делото како и со чудните заклучи кои можете да ги извлечете од нив.

 

1. Материјалот Ра (The Ra Material)

Оригинално издадена во 1984 година, оваа книга за духовноста направи значителен придонес во движењето на новата ера. Според авторите, содржината не била составена од нив, туку од суштество од шестата димензија наречено Ра, истиот Ра кој се појавува во древната египетска теологија. Авторите ги добивале информациите преку техника наречена „канализирање“. Техниката вклучува состојба на транс кај „каналот“ (личноста која го изведува канализирањето) по која неговото тело е преземено од друго битие кое ги користи неговите раце или говор за комуникација.

Овој вид комуникација бил откриен од групата автори за време на групна медитација, и тие решиле да ги снимаат сеансите. Покрај мудроста и филозофијата која Ра ја споделил со нас, фактот дека овој контакт и ова интелигентно битие постојат, можеби укажува на ниво на постоење за кое ние не сме воопшто свесни.

2. Книгата Урантија (The Urantia Book)

Книгата Урантија, каде што Урантија е името на нашата планета, исто така била резултат на канализирање, но овој пат со помош на машина за пишување. Групата која учествувала во сеансата била под водство на почитуваниот психијатар, доктор Вилијам Садлер, кој предава на Медицинскиот факултет во Чикаго. Групата истакнала дека не сакаат да назначат никој како автор на книгата. Важна е само нејзината содржина, и книгата треба да се „суди“ само според тоа.

Содржината на книгата опфаќа речиси сè: од Бог и универзумот, до историјата на Земјата, еволуцијата, религијата и значењето на духовноста. Дури постои и дел за животот и учењето на Исус. Ова би требало да биде најточниот запис бидејќи информациите доаѓале директно од метафизички набљудувачи, како што Библијата била предавана и пишувана низ генерациите. Дали ова можеби е наследникот на Библијата?

3. Тестот за психопати (The Psychopath Test)

Напишан од Џон Ронсон во 2011 година, овој забавен мемоар го следи патувањето на авторот низ психопатијата. Она што тој го открил е вознемирувачко и провоцирачко. Психопат е личност која манифестира неморално и антисоцијално однесување, има недостаток на љубов и неспособност за остварување лични врски. Нормално, ние сметаме дека овие личности се лесни за забележување и повеќето од нив сигурно се третираат. Но, Ронсон открил дека вистината е многу поразлична. Повеќето психопати се „надвор во светот“ и го користат нивниот натприроден шарм и способност за манипулација со цел да не убедат дека се нормални. Понекогаш дури и ги глумат емоциите кои не ги чувствуваат.

Но, станува уште пострашно, бидејќи Ронсон сфатил дека многу од луѓето кои се на врвот од социоекономската хиерархија се всушност психопати. И токму ова им помогнало да стигнат до врвот. Според некои истражувања, многу психијатрии сметаат дека поголемиот дел од негативноста во светот е резултат на овие неколкумина психопати кои се на врвот, додека ние, останатите, ги трпиме последиците.

4. Отпечатоците на боговите (Fingerprints of the Gods)

Напишана од британскиот автор Грем Ханкок, ова дело ја предизвикува целата историја. Ханкок патува околу светот и ги открива мистериите оставени од древните предци, како архитектонски сличности помеѓу древни култури кои немале контакт и необјаснивото познавање на ѕвездите.

Неговото истражување почнува со мапа од 16-тиот век која ја прикажува формата на Земјата на Јужниот пол. Ова е невозможно, бидејќи земјата на Јужниот пол тогаш била покриена со 1 километар мраз. Овој континент се нема ослободено од мразот од последната ледено доба, пред 9000 години. Овој доказ, помеѓу другите, го довел Ханкок до заклучок дека древните цивилизации го добиле своето знаење од уште постара напредна цивилизација.

5. ДМТ: Молекулот на душата (DMT: The Spirit Molecule)

Која е врската помеѓу духовните искуства и мозокот? Дали овие искуства може да бидат предизвикани со психоделични супстанци? Ова се прашањата за кои се расправа во оваа книга. Рик Страсман, авторот на книгата, смета дека мора да постои биолошки дел од процесот на мистичните искуства. Тој смета дека некоја психоактивна супстанца постои во самиот мозок. Тој правел и истражувања на луѓе, а сеансите биле преплавени со искуства кои вклучувале дури и напуштање на телото.

6. Водич за психоделичниот истражувач (The Psychedelic Explorer’s Guide)

Овој водич е напишан од Џејмс Фадиман, најпочитуваниот американски авторитет за психоделични супстанци и нивната употреба. Тој објаснува дека овие супстанци имаат многу позитивни својства, вклучувајќи духовни и терапевтски и дека воопшто не создаваат зависност. Според оваа книга, и многу други, психоделичните супстанци не се толку лоши колку што нè тераат да веруваме.

7. Патување надвор од телото (Journey Out Of the Body)

Оваа луцидна рационална книга за астрално проектирање е најдобра од овој вид, и нема никаква врска со движењето од новата ера. Роберт Монро е бизнисмен со никаква религиска позадина кој наеднаш почнал да „излегува“ од своето тело. Тој посетил и лекар и психијатар кои му кажале дека кај него нема никаков проблем.

Затоа тој решил да ги документира своите искуства на научен начин, што резултирало со издавањето на оваа книга. Книгата е полна со неверојатни работи кои Роберт ги открил на своите патувања. Ако верувате во неговите тврдења, постои цело нефизичко царство кое нам не ни е познато.

8. Кибалион (The Kybalion)

Издадена во 1908 година, оваа книга е дело на „Тројцата иницијатори“ како резултат на 7-те древни херметички принципи. Принципите се големи тајни кои биле пренесувани усно, почнувајќи со Хермес Трисмегистус, кој наводно го добил знаењето од египетските богови. Тројцата иницијатори го опишуваат знаењето и принципите земајќи ги во предвид менталитетот и искуствата на човекот, и објаснуваат како да влијаете на искуствата и умот и да ги менувате според ваша волја.

9. Смарагдни плочи (The Emerald Tablets)

Со потекло од древен Египет, Смарагдните плочи би требало да се создадени од Тот, што се смета дека е уште едно име на Хермес Трисмегистус. Плочите нè учат на големи мудрости обвиени со метафора. Во ова дело не е важно буквалното значење на зборовите, туку нивната резонанса со душата. Ова дело исто така објаснува дека Големата пирамида во Гиза била направена од Тот кој користел метафизички техники.

10. Автобиографијата на еден Јоги (Autobiography Of a Yogi)

Ова е приказната за животот на Параманаша Јогананда, роден во Индија, и е неверојатна. Неговата свесност и искуство со духовното на многу мала возраст е за чудење. Параманаша сведочел многу чуда и со помош на неговиот господар успеал да допре до сеќавањата од неговиот минат живот.

Овде, тој ја открил причината за неговата духовност. Како и секоја книга што застранува од обичните искуства, и оваа автобиографија добила своја порција критики. Сосем е разбирливо тоа што луѓето од западот не веруваат во реинкарнација и чуда. Сепак, ако овој Јоги ја пишувал вистината, реинкарнацијата и метафизичкото царство се сепак повеќе од луди идеи.

Најчитано: Флеш- Интересно

loading...
loading...

Наши пријатели

Наша анкета

Какви се Вашите очекувања од 2018 година?


Go to top

Потребен е LIKE на нашата фејсбук страна