Сума:
loading...

Дали сте авантурист? Дали ги поминувате одморите и слободните денови правејќи нешто што ви го покачува адреналинот? Ако одговорот е да, тогаш вие сигурно не сте за работа во канцеларија. За среќа, постојат многу работни места кои ќе ви ја овозможат посакуваната авантура.

 

1. Пожарникар

Гасењето пожари бара многу работна рака, особено во лето кога шумите се премногу суви. Но за оваа работа мора да бидете многу физички подготвени. Можете да помагате во спречување на појавата на пожари, да сечете грмушки, да копате дупки (за да го спречите напредувањето на пожарот) и да предизвикувате контролирани пожари. Ако барате несекојдневна авантура, речиси сигурно ќе ја пронајдете овде.

2. Морски биолог

Морската биологија е науката која ги истражува животните, растенијата и микроскопскиот свет во океаните. Со зголеменото загадување на водите и климатските промени, се менува и океанскиот живот. Морските биолози ги истражуваат овие промени и се обидуваат да најдат проблем или решение. Бидејќи речиси 80% од целиот живот на планетата се наоѓа под вода, оваа професија е навистина важна. Покрај тоа, ќе ви овозможи да патувате на отворено море, да собирате примероци од терен и со часови да истражувате во лаборатории.

3. Авантуристички водич

Самото име го содржи зборот авантура. Со оваа професија секој ден ќе ја добивате потребната доза адреналин. Без разлика каде живеете, сигурно ќе најдете место (најчесто национални паркови) каде што има дел за авантуристи. За ова ќе ви биде потребно искуство како и дозвола со цел да им ја овозможите потребната безбедност на клиентите. Можете да ги водите туристите на активности како кајакарство, јавање коњи, нуркање и слично. За ова работно место потребно е да бидете пријателски настроени, информирани, смирени, и најважно – да имате тренинг за прва помош.

4. Терапија со авантура

Терапијата со авантури најчесто се фокусира на проблематични млади личности, луѓе со депресија, со пострауматски стрес, луѓе со попречен развој и зависници. Овој вид терапија ги тера луѓето да излезат од својата удобна зона со цел да стекнат самодоверба и вештини за решавање проблеми. Овде спаѓаат активности со помал ризик како качување на карпи, кампување и слично.

5. Ренџер во парк

Вашата обврска би била да ја одржувате хигиената и безбедноста во делот од шумата кој ви е доделен и да им овозможите на посетителите безбедна и пријатна посета. Ренџерите обично учат шумарство и работат во национални или приватни паркови. Речиси никогаш не знаете што ќе пронајдете во шумата, а покрај тоа целиот ден ќе го поминувате на отворено. Се разбира, секогаш ќе треба да бидете подготвени за несреќа. Овде спаѓаат пожари, повредени туристи или агресивни животни и итни медицински случаи.

6. Ловење краби во Алјаска

Ова работно место бара најголема физичка подготвеност. Ловењето краби во Алјаска е најсмртоносната професија во риболовот. Ако сте подготвени да помините околу 3 месеци на отворено смрзнато море, ќе добиете плата од 50.000 долари. Но имајте на ум дека поставувањето на стапиците е навистина опасно. Самите стапици тежат по 300 килограми, времето е многу студено и секогаш постои ризикот од превртување на бродот.

7. Патувачки писател

Дали сакате да патувате, а притоа знаете и добро да пишувате? Комбинирајте ги двете и станете патувачки писател. Ќе можете да посетувате разни држави и во живо да ги опишувате местата кои сте ги виделе. Покрај тоа, сето ова можете да го правите на сметка на некој друг. Се разбира, не очекувајте уште веднаш да почнете со платени проекти. Прво треба да го изградите вашето име и да ги објавувате приказните и фотографиите на Интернет или во некој весник. Ако немате пари за патување, почнете како турист во вашиот град. Вашата цел ќе биде да ја пренесете вашата страст и искуство на луѓето кои сè уште не биле во можност да посетат некое место.

8. Професор по англиски јазик

Можеби оваа работа не е најдобро платена, но можете да им го промените животот на многу луѓе. За многу деца и возрасни изучувањето на англискиот јазик е како мост кон подобра кариера. Можете да предавате во странство, па на овој начин и ќе патувате. За среќа денес оваа работа е сфатена сериозно, па лесно можете да најдете некој проект во странство. Постојат многу програми со различна должина, кои најчесто траат од 2 недели до неколку месеци.

9. Нуркач на големи длабочини

Иако технологијата е многу напредна, машините сè уште не можат да ги заменат луѓето кои нуркаат на големи длабочини. За оваа работа потребно е да бидете во одлична физичка форма, да бидете способни да останете смирени во опасна ситуација и се разбира, да бидете добри пливачи. Ќе ви бидат потребни и неколку сертификати од школа за нуркање. Можете да работите повеќе нешта во зависност од тоа каде се наоѓате. Можете да работите за компании за гас и нафта, за научни истражувања, снимање филмови, археологија и слично.

10. Фотограф на див свет

Овие луѓе ги прават најубавите фотографии. Тие патуваат низ целиот свет и ни покажуваат како изгледа животот на многу видови. Нивната работа може да се претвори од мирна во опасна за секунда. Повеќето фотографи работат фриленс. Потребно е да направите портфолио со фотографии и да се надевате дека ќе ги продадете. Ако сте добри, можно е да ве најмат разни весници и медиуми и да ве пратат на одредена локација. Потребно е да знаете да ракувате со професионален фотоапарат, да знаете некои техники за преживување, да имате брзи рефлекси и да бидете способни да се движите многу тивко. Се разбира важно е да имате познавање и за животните кои сакате да ги фотографирате и да го разбирате нивното однесување.

За авторот на оваа статија:
Super Admin
Author: Super AdminWebsite: http://www.reevolucioner.blogspot.comEmail: Оваа е-адреса е заштитена од спамботови. Треба да ви е овозможено JavaScript за да ја видите.
Сопственик на порталот, администратор, развој на концепт, дизајнер, фотограф, автор на текстови.
Краток опис:
Катализатор за успешна реакција на котелот наречен современие.
Други најнови статии од авторот:

Наши пријатели

loading...
Go to top

Потребен е LIKE на нашата фејсбук страна