Сума:
loading...

Технологијата се развива многу брзо, а повеќето од нас се возбудени за сите нови работи кои произлегуваат од тој напредок. Научниците сакаат да ни дадат беспилотни возила, виртуелна реалност, многу брзо патување, комерцијални вселенски летови и уште многу други работи. Но додека секој со нетрпение ги чека новите пронајдоци, малкумина се прашуваат зошто. Вистината е дека многу од овие технологии се бескорисни, а некои од нив дури и опасни. Ова се некои од несаканите ефекти на најновите технолошки пронајдоци.

1. Беспилотните автомобили немаат етички код

Овие автомобили се можеби најпосакуваното нешто досега. Можеби сè уште немаме автомобили кои летаат, но барем добивме возила кои нема потреба да ги управуваме. Но, постојат проблеми кои треба да се решат пред овие автомобили да станат достапни за широката јавност. Најважното нешто за кое многумина се прашуваат е што ќе избере автомобилот помеѓу животот на невини пешаци и животот на луѓето во автомобилот. Во списанието „Science Magazine“ била спроведена анкета во која учествувале околу 2.000 испитаници. Поголемиот дел од нив сметале дека автомобилот треба да се грижи за безбедноста на пешаците, но тие исто така не би купиле автомобил кој на прво место ја става безбедноста на некој друг. Сепак, експертите кои работат на овие автомобили сметаат дека поголема закана претставуваат хакерите кои можат да го преземат возилото отколку оваа одлука.

2. Виртуелната реалност може да предизвика психолошки нарушувања

Компаниите како „Oculus Rift“ прават голем напредок во светот на видео игрите. Оваа технологија им овозможува и на новите лекари и медицински сестри да се обучуваат без да загрозат нечиј живот. Значи, виртуелната реалност е корисна и во други полиња освен кај видео игрите. Сепак, кога станува збор за видео игри, може да настанат многу психолошки нарушувања и проблеми. Дури и без виртуелната реалност, многу луѓе умреле поради долгото играње без престан. Други пак, развиле вистинска зависност од игри како „World of Warcraft“. Кога луѓето ќе можат да ги играат омилените игри во виртуелна реалност, на многумина ќе им биде тешко да престанат и може сериозно да си го запостават здравјето. Исто така постои опасност од губење допир со реалноста, па тие нема да можат да разликуваат помеѓу игрите и реалноста.

3. Дроновите ги полудуваат луѓето

Дроновите стануваат сè почести, па наскоро ќе треба да го прифатиме фактот дека тие се дел од градскиот живот. На почетокот дроновите биле големи летала кои минувале над воени зони, а понекогаш се користеле и за фрлање бомби. Денес тие се многу помали и може да си ги купи секој. Ако имате забележано, малите дронови зујат тивко, а колку е поголем дронот толку е погласно зуењето. Во селата во Јемен каде што постојано има дронови, жителите најмногу се жалат дека постојаното зуење ги полудува. За жал, ако дроновите почнат да се користат како поштари и слично, ова зуење ќе биде неизбежно во градовите.

4. Ветерниците и соларните колектори го убиваат животинскиот свет

Ветерниците и соларните колектори се сметаат како најдобриот извор на енергија. Тие се многу почисти за околина и се траен извор. Но, иако можеби не загадуваат, тие си имаат свои недостатоци. Некои истражувања покажале дека ветерниците сепак убиваат многу животни, особено птици. Соларните колектори им изгледаат како вода на птиците, па кога тие ќе сакаат да слетаат над нив, буквално се спржуваат. Сè уште не е пронајден ефективен начин за спречување на ова.

5. Комерцијалните вселенски летови имаат последици врз здравјето


Вселенските патувања им беа дозволени само на неколку моќни држави, но денес сè повеќе и повеќе држави лансираат свои сателити. Компаниите како „Virgin Galactic“ и „SpaceX“ работат на тоа да им ги овозможат овие летови и на обичните граѓани. Но, проблемот овде е што ова патување не е најдобро за нашето здравје. Дури и НАСА ги одбира физички најспремните луѓе за своите мисии во вселената, и им дозволува да останат најмногу 6 месеци. Времето поминато во вселената може да ја намали густината на коските, да го влоши видот и да предизвика уште многу други здравствени проблеми. НАСА, но и други експерти, се загрижени дека ранливите и постари „вселенски туристи“ може да искусат сериозни компликации за време на едно вакво патување.
6. Индустријализацијата создава глобално звучно загадување

Многу луѓе се свесни за загадувањето од хемикалии кое го предизвикува индустријата, но малкумина знаат за звучното и светлосното загадување. Кога ќе размислете, пред неколку века поголемиот дел од човечки направената врева не ни постоела. Немало авиони, електрани, радио или слични направи. Работите биле чисти и тивки, а секоја активност прекинувала навечер, дури и во најголемите градови. Денес е речиси невозможно да пронајдете место кое е ослободено од ваква врева. Една непрофитна организација, „One Square Inch“, се надева да направи национални паркови во САД над кои нема да има авиони. Тие сакаат да создадат барем мал простор кој ќе биде ослободен од звучното загадување.

7. Хипер-јамките може да имаат последици врз здравјето


Елон Маск е навистина амбициозен човек. И покрај неговата област на работење, тој сепак нè предупредува за опасноста од вештачката интелигенција. Најновиот негов проект се хипер-јамките кои ќе ги „лансираат“ луѓето од едно до друго место со брзина од 1.300 километри на час. Маск се надева дека го подобрил концептот бидејќи го сместил возот во цевка со вакуум, со ова отстранувајќи го воздушниот отпор. Но, иако звучи интересно, некои сметаат дека и оваа идеја има недостатоци. Најголемиот проблем е што многу луѓе нема да можат да ја поднесат брзината, дури и ако движењето е праволиниско. Потоа, дури и најмалата дупка или проблем со вакуумот ќе биде катастрофален, бидејќи кога се движите со брзина од 1.300 километри на час, немате време за реагирање. Можеби ќе биде подобро овој систем да се користи за пренесување багаж или роба наместо луѓе.

8. 3Д печатачите се опасни за околината


3Д печатачите се сметаа како најголемото напредување во технологијата, но нивната популарност како да опаѓа. Причината најверојатно е високата цена на оваа технологија. Никој не знае како да ги претстави овие печатачи освен како нешто ново. Фабриките пак сè уште им бараат примена. Сепак се очекува за многу брзо време 3Д печатачите да станат достапни за сите, но како се доближуваме до тој момент треба да најдеме решение за штетата која ја предизвикуваат. Првиот проблем е емисијата на гас. „Домашните“ печатачи емитуваат исто толку гас колку и една цигара. Иако можеби не е многу, сепак треба да се реши овој проблем. Покрај тоа, 3Д печатачите користат евтина пластика која не се разградува, и затоа е многу лоша за околината. Со нивното прославување, употребата на оваа пластика само ќе се зголеми наместо да се намалува.

9. Играчките ласери може да ги заслепат пилотите


Ласерската технологија е толку многу развиена, што денес секој од нас може да си купи ласер. На многу Интернет страници можете да најдете евтини ласери со многу голем домет и многу голема моќ. Но важно е да разберете дека тие не се играчки. Постојат многу случаи во кои деца го изгубиле видот, трајно или привремено, бидејќи си светеле во очите. Многу луѓе пак сакаат да ги насочуваат ласерите кон авионите, а ова не е добра идеја. Зависи од висината на авионот, но ласерот може да има доволно голем домет за да стигне до пилотската кабина и да ги заслепи пилотите. Ова ќе им го отежни слетувањето, но може и да им ја заврши кариерата така што трајно ќе им се оштети видот. Ласерите никогаш не треба да ги насочувате кон автомобили, авиони, луѓе или што било во движење.

10. Интернетот има ехо соба за злобни луѓе


Интернетот го промени светот, и тоа за многу брзо време. Денес можете да станете од вашиот кревет и веднаш да проверите што се случува на другиот крај на светот. Сите луѓе се поврзани, а информации од секаков вид буквално се наоѓаат во вашата дланка. Но, има и лоша страна на оваа поврзаност. Педофилите и другите злобни луѓе може да најдат милиони како нив со помош на Интернетот, и да споделуваат „искуства“ од нивните злодела. Тие успешно создаваат ехо соби каде го оправдуваат нивното болно однесување. Не само педофилите, туку и секоја група луѓе кои се луди или кои имаат чудни верувања може да се соберат, да се тешат и да се охрабруваат преку Интернетот.

За авторот на оваа статија:
Super Admin
Author: Super AdminWebsite: http://www.reevolucioner.blogspot.comEmail: Оваа е-адреса е заштитена од спамботови. Треба да ви е овозможено JavaScript за да ја видите.
Сопственик на порталот, администратор, развој на концепт, дизајнер, фотограф, автор на текстови.
Краток опис:
Катализатор за успешна реакција на котелот наречен современие.
Други најнови статии од авторот:

Наши пријатели

loading...
Go to top

Потребен е LIKE на нашата фејсбук страна