Сума:
loading...

Кампунг Пеланги е мало село во Индонезија кое било трансформирано во неверојатна глетка од светли бои и волшебен дизајн, што многу се разликува од неговата претходна распадната состојба. Општината централна Јава која се наоѓа во јужниот дел на Семаранг, потрошила околу 22.000 долари за оваа извонредна трансформација со цел да го спаси лошиот углед на селото.

 

ПРЕД                                                                   ПОТОА

54-годишниот директор на средно училиште, Сламет Видодо, потегнал иницијатива за овој проект и претворил 232 куќи од Кампунг Пеланги во вистински ремек-дела. Тој добил инспирација од некои претходни села и помали гратчиња кои веќе го направиле истото.

„Овој проект ја охрабрува активната вклученост на граѓаните во подобрувањето на нивните домови“, изјавил градоначалникот Хендрар Прихади.

Тесните улички „живнале“ благодарение на креативните фрески што ги красат ѕидовите. Целото село се вратило во живот на највеселиот можен начин.

Покрај тоа што го исполниле градот со уметност, жителите ќе почнат и со чистење на блиската река.

Туристите го забележаа овој тренд на виножита во Индонезија и сѐ почесто почнаа да ги посетуваат разнобојните села, меѓу кои и Кампунг Пеланги.

Инвестициите кои биле вложени за да се поправи изгледот на некогашната „дупка“ дефинитивно се исплатат, бидејќи локалните бизниси веќе забележале зголемена продажба на сувенири и храна.

Не мора ни да се каже дека живописната, боемска атмосфера на ова новооткриено местенце претставува рај за сите инстаграмџии кои се опседнати со објавување интересни фотографии.

Иднината на Кампунг Пеланги е светла и шарена благодарение на непобедливата моќ на уметноста!

За авторот на оваа статија:
Super Admin
Author: Super AdminWebsite: http://www.reevolucioner.blogspot.comEmail: Оваа е-адреса е заштитена од спамботови. Треба да ви е овозможено JavaScript за да ја видите.
Сопственик на порталот, администратор, развој на концепт, дизајнер, фотограф, автор на текстови.
Краток опис:
Катализатор за успешна реакција на котелот наречен современие.
Други најнови статии од авторот:

Наши пријатели

loading...
Go to top

Потребен е LIKE на нашата фејсбук страна